“Kamera Musiqisi Axşamı” adlı növbəti konserti keçirildi - FOTOlar

24 dekabr tarixində M.Maqomayev adına Azərbaycan Dövlət Akademik Filarmoniyasının Kamera və Orqan Musiqisi Zalının səhnəsində Azərbaycan Dövlət Simli Kvartetinin "Kamera Musiqisi Axşamı" adlı növbəti konserti keçirildi.

Yarandığı gündən bu günədək kvartetin nümayəndələri sırasına daxil olan hər bir üzv olduqca maraqlı və özünəməxsus ifaçılıq üslubu ilə daim seçilmişdir. Musiqili gecədə Azərbaycan Dövlət Simli Kvartetinin ifasında A.Dvorak 12 nömrəli kvartet "Amerikalı" (F-dur, op.96) və E.Grieg 1 nömrəli kvartet (g-moll, op.27)  qonaqlara təqdim olundu.

Qeyd etmək lazımdır ki, Azərbaycan Dövlət Simli Kvarteti 1998-ci ildə yaradılıb. Repertuarı Azərbaycan və xarici bəstəkarların klassik və çağdaş əsərləri ilə zəngindir.

Simli kvartetin tərkibi Nəzrin Aslanlı (I violin), Soltan Məmmədova (II violin), Vaxtanq İmanov (viola) və Aleksey Miltıx (violonçel) kimi dəyərli ifaçılardan ibarətdir.

İnformasiya dəstəyi -  Trend.Az, Day.Az, Milli.Az

Məqaləyə dair fotomateriallar: