İranın Ali dini rəhbərə bağlı rəsmilərin və qrumların anti-Azərbaycan açıqlamaları iki ölkə arasında yeni siyasi böhrana gətirib çıxarır. Ərdəbilin İmam Cümləsi H.Amuli və SEPAH bağlı BƏSİC qüvvələri Azərbaycanı açıq hədəfə alıblar. Ekspertlərin fikrincə Ərdəbildə Azərbaycan və Türkiyəni hədəf alan şüarlar birbaşa hakim dairələr tərəfindən kordinasiya edilir.
Milli Cəbhə partiyasının başqanın müavini, siyasi ekspert Məhəmməd Əsədullazadə də "Sherg.az"a açıqlamasında deyib ki, Azərbaycanın Tehranda səfirliyinə terror hayata keçirən BƏSİC üzvüdür. Onun sözlərinə görə, Azərbaycanın Türkiyə ilə kordinasiyalı siyasəti və Suriyada ikitərəfli əməkdaşlığı Tehranı "özündən" çıxarıb. Məhz Azərbaycanı İranda hədəfə gətirən SEPAH-dır:
"SEPAH İranın ali dini rəhbəri Xameneiyə tabedir. Məhz İranın azərbaycanlı prezidentinin Azərbaycana səfərinə prezident İlham Əliyevlə görüşünə SEPAH mane olur. İran Azərbaycana qarşı düşmənçilik fəaliyyətini yenidən açıq şəkildə davam etdirir. Azərbaycan Tehranda səfirliyini müvəqqəti bağlamalı və diplomatlar təhlükəsizlik səbəbinə görə Bakıya geri dönməlidir. İranın aqressiv siyasəti hər keçən gün inkişaf edir. İranın ölkəmizdə müvəqqəti işlər vəkilinə çağırıb etiraz bildirmək Tehran üçün sıradan bir məsələdir".
İran rejiminin Azərbaycan siyasətinin özlərinin əleyhinə işləyəcəyini proqnozlaşdıran siyasi ekspert qeyd edib ki, İranın Suriyada, Livanda və Yəməndə siyasi-hərbi mövqeyi planlı şəkildə sıradan çıxarılır. Növbəti mərhələdə İran rejiminin devrilməsidir:
"Vaxtilə ABŞ sabiq prezidenti C. Buşun Rusiya -Şimali Koreya və İranı nəzərdə tutaraq "Şər üçbucağı" elan etdiyi bloka qarşı həmlələr reallaşıb. Məhz bu blokun üzvü olan İran Yaxın Şərqdə öz qürubunu yaşayır.
Donald Trampın yenidən prezident seçilməsi, Tehran rejimi üçün çətin bir proseslərin başlanmasina gətirib çıxaracaq. Bu günlərdə prezident Cozef Baydenin İran nüvə obyektlərinə zərbə "endirilməməsi" kimi tapşırığı da növbəti mərhələdə "endirilsin" siyasətin tərkib hissəsidir. Bir növ İranın hərbi və nüvə mərkəzləri hədəf halına gətirilir.
İranin Livanda "Hizbullaha" maliyyə və logistika dəstəyi də kəsilir. Tehranın göndərdiyi Təyyarənin Livan təhlükəsizlik orqanları tərəfindən yoxlanışa məruz qalması, tapılan pulların Livan hökumətinəvqalacağı vurğulandı. Livan hökuməti İranla əməkdaşlığa son verməklə, Tehranın Aralıq dənizinə çıxmasının qarşısı alındı. Tehran rejimi Yaxın Şərqdə siyasi -hərbi təsiri fiaskoya uğrayır. Artıq D.Tramp Tehran rejimini hədəfə alacaq. İrana qarşı hərbi əməliyyatlar istisna deyil. SEPAH mövqeyi kifayət qədər zəifləyib. Məhz özünü "doğrultmaq" üçün Azərbaycanı hədəf seçib".
M. Əsədullazadənin fikrincə İran İnqilab Keşikçiləri korpusunun (SEPAH) Azərbaycan və Türkiyəni hədəfə gətirməsi bu ölkə daxilində yeni parçalanmaya gətirib çıxara bilər. Odur ki, Azərbaycan İrandan gələ biləcək təhlükələrə hazır olmalı və təhlükəsizlik tədbirlərinin artırmalıdır:
"Türkiyə ilə Azərbaycan kordinasiya çalışaraq Tehrana xəbərdarlıq yenidən etməlidir.
Tehran rejimi Azərbaycanın Türkiyə ilə Suriyada əməkdaşlıq etməsini və Ermənistanla münasibətlərin normallaşması istiqamətində müsbət irəliləyişlərdən narahatdır. Həmçinin "Zəngəzur" dəhlizinin açılmasının reallaşmasını qəbul etmək istəmir.
Demək olar ki, yeni geosiyasi nizam İran rejiminin əleyhinə işləyir. Qonşularla normal münasibətlər qurmaması, Azərbaycan və Türkiyə qarşı düşmənçilik fəaliyyəti Tehran rejimini təkləyir. Halbuki, molla rejimi Azərbaycan və Türkiyə ilə normal əlaqələr qursa, bu ölkəyə artan təzyiqlər fonunda İslam dünyasında İrana dəstək verilə bilərdi".
