İstanbul, 14 yanvar, Günel Karatepe, AZƏRTAC
Suriyadakı yeni hökumətin xarici işlər naziri Əsad Həsən Şeybaninin rəhbərlik etdiyi yüksək səviyyəli nümayəndə heyəti yanvarın 15-də Türkiyəyə rəsmi səfər edəcək.
AZƏRTAC xəbər verir ki, bu barədə Türkiyənin Xarici İşlər Nazirliyi açıqlayıb.
Səfər çərçivəsində Türkiyənin xarici işlər və milli müdafiə nazirləri Hakan Fidan və Yaşar Güler, eləcə də Milli Kəşfiyyat Təşkilatının (MİT) başçısı İbrahim Kalının suriyalı həmkarları ilə görüşləri nəzərdə tutulur.
