Rusiya Müdafiə Nazirliyi Kursk vilayətində 801 kvadrat kilometr ərazinin, yəni Ukrayna Silahlı Qüvvələrinin bölmələri tərəfindən ələ keçirilən ərazinin 63,2 faizinin geri alındığını açıqlayıb.
Məlumata görə, yanvar ayında dörd yaşayış məntəqəsi - Aleksandriya, Leonidovo, Russkoye Poreçnoye və Kruqlenkoye ruslar tərəfindən nəzarətə götürülüb.
Həmçinin bildirilib ki, Ukrayna Silahlı Qüvvələrinin Berdi istiqamətində əks-hücum cəhdi də dəf edilib. Bildirilib ki, əks-hücum əməliyyatı Rusiya qoşunlarının irəliləyişinin dayandırılması və Ukrayna qoşunlarının mühasirə zonasından çıxarılması məqsədi ilə həyata keçirilib.
TAHİR
