Futbol Hakimlərinin Peşəkar Assosiasiyası (PGMOL) İngiltərə Premyer Liqasının 23-cü turunun “Vulverhempton”la oyununda (1:0) “Arsenal”ın müdafiəçisi Mayls Lyuis-Skellinin meydandan qovulması ilə bağlı hakim Maykl Oliverin qərarına münasibət bildirib.
Publika.az xəbər verir ki, Assosiasiya hakimin qərarının haqlı olduğunu bildirib. Bu barədə “Sky Sports” məlumat yayıb. Xatırladaq ki, London klubunun futbolçusu əks-hücumu dayandırmaq istəyərkən rəqib müdafiəçi Mett Dohertini ayağına vurub. Nəticədə Oliver Lyuis-Skelliyə birbaşa qırmızı vərəqə göstərib.
Bildirilir ki, PGMOL Lyuis-Skellinin topu geri qaytarmaq cəhdində gecikdiyinə və təmas nöqtəsinin yüksək olduğunu bildirir.
