Xaçmazda ölümlə nəticələnən bədbəxt hadisə baş verib.
"Cebheinfo.az" “Qafqazinfo”-ya istinadən xəbər verir ki, rayonun Susayqışlaq kənd sakini 1969-cu il təvəllüdlü Əvəz Həsənağa oğlu Vəlixanov aldığı yanıq xəsarətlərindən ölüb.
Belə ki, Ə.Vəlixanov yaşadığı evdə sərxoş halda yataqda uzanarkən siqaret çəkərək kötüyünü yerə atıb.
Nəticədə yataq otağında yanğın başlayıb və o, xəsarətlər alıb.
Ə.Vəlixanov Xaçmaz Rayon Mərkəzi Xəstəxanasına çatdırılsa da, vəfat edib.
Faktla bağlı araşdırma aparılır.
"Cebheinfo.az"
