Günəşin doğması ilə batması arasındakı müddət ölkədən-ölkəyə dəyişdiyindən Ramazan ayında oruc tutma müddəti də fərqlidir.
Demokratikmusavat.com dünyada ən uzun və ən qısa oruc tutulan ölkələrin siyahısını təqdim edir:
Ramazan ayının ilk günü Çilinin Punta Arenas bölgəsində 15 saat 51 dəqiqə, Yeni Zelandiyanın Dunedin şəhərində 15 saat 7 dəqiqə, paytaxt Vellinqtonda 14 saat 47 dəqiqə, Avstraliyanın paytaxtı Kanberrada 14 saat 27 dəqiqə olacaq.
Cənubi Afrika Respublikasının Yohannesburq şəhərində oruc 14 saat 3 dəqiqə, Azərbaycan,Türkiyə, Danimarka, Finlandiya, Norveç, İsveç, Qrenlandiya, Almaniya, Bolqarıstan, İspaniya, İtaliya, İslandiya, ABŞ, İran, Əfqanıstan, Pakistan, Misir, Livan və s. ölkələrin bir çox şəhərlərində 13 saata yaxın oruc tutulacaq.
Oruc tutulan zaman hər gün bir az da artacaq. Ayın sonu ilə əvvəli arasında oruc tutulan müddət artaraq Azərbaycanda 14 saat 17 dəqiqəyə bərabər olacaq.
Ramazanın ilk günü ilə sonuncu gün arasındakı fərq Rusiyada 12 saat 52 dəqiqədən artaraq 15 saat 11 dəqiqəyə, Qrenlandiyada isə 12 saat 56 dəqiqədən 15 saat 52 dəqiqəyə çatacaq.
Billurə
