Gəncədə 3 nəfər maşını sürətlə idarə edən sürücünü döyüb.
"Unkal"ın məlumatına görə, hadisə şəhərdə yerləşən Sosial binaların yaxınlığında baş verib. Davadan sonra 4 nəfər müxtəlif bədən xəsarətləri ilə Gəncə şəhərində yerləşən xəstəxanalardan birinə yerləşdiriliblər. Xəsarət alanlara dərhal yardım edilib, vəziyyətlərinin normal olduğu bildirilir. Xəsarət alanlar 1979-cu il təvəllüdlü M.Qəhramanov, 1996-cı il təvəllüdlü E.Əkbərov, 2007-ci il təvəllüdlü N.Verdiyev və 2006-cı il təvəllüdlü M.Fətullayevdir.
Məlumata görə, hadisə küçədən maşını sürətlə sürmək üstündə baş verib. Bu zaman 3 nəfər avtomobil sürəni döyüblər, bundan sonra döyülən sürücü 3 nəfəri avtomobilə vurub.
Baş vermiş hadisə ilə bağlı polis əməkdaşları tərəfindən a araşdırmalar aparılır.
Tural Əhmədov
