Rusiyanın Maqadan vilayətində qar uçqunu nəticəsində dörd turist həlak olub, bir nəfər xəsarət alıb.
NOCOMMENT.az report-a istinadən xəbər verir ki, bu barədə TASS-a əməliyyat xidmətləri məlumat verib.
“Maqadan vilayətində altı nəfərdən ibarət turist qrupu qar uçqununa düşüb. Nəticədə dörd nəfər həlak olub, bir nəfər xəsarət alıb”, – agentliyin müsahibi bildirib.
Onun sözlərinə görə, qrupdan bir turist xəsarət almayıb. Hazırda qrupun müəyyən olunmuş qaydada qeydiyyata alınıb-alınmadığı araşdırılır.
Turistləri təxliyə etmək üçün helikopter göndərilib.
