Qlobal bazarlarda Brent markalı neft 4 faiz də ucuzlaşaraq 60 dollar səviyyələrinə düşüb.
Marja.az xəbər verir ki, Bakı vaxtı ilə saat 09:35-də Brent nefti 60,34 dollara ticarət olunub.
Qeyd edək ki, Brent markalı neftin fyuçersləri 2021-ci ilin martından bəri ilk dəfə bir barel üçün 61 dollardan aşağı düşüb.
Neft qiymətləri ABŞ Prezidenti Donald Tramp administrasiyasının Çinlə ticarət qarşıdurmasını gücləndirmək üçün hərəkətə keçməsindən sonra ucuzlaşıb və bu, qlobal neft tələbi ilə bağlı narahatlıqları artırıb. Çərşənbə axşamı, aprelin 8-də Birləşmiş Ştatlar Çindən idxal olunan mallara 104% tarif tətbiq edəcəyini açıqlayıb, çünki Çin Amerikanın 34% tariflərinə qarşı cavab tədbirlərini ləğv etməyib.
Tramp keçən həftə idxal tariflərini elan etdikdən sonra bir barel neftin qiyməti mütləq ifadədə 12 dollardan çox ucuzlaşıb.
"Mizuho" hesab edir ki, Trampın tarifləri səbəbindən xam neftə tələbatın azalması, OPEC+-ın bu ay gündəlik 138 000 barel artımdan əlavə hasilatı gündə 400 000 bareldən (bpd) çox artırmaq qərarını nəzərə alsaq, neft üçün problemin yalnız yarısıdır. Mizuho, OPEC və IEA-nın gələn həftə neft tələbi proqnozlarında azalma elan edəcəyini gözləyir.
