ABŞ Prezidenti Donald Tramp bir sıra ölkələrə qarşılıqlı əsasda tətbiq edilən əlavə idxal rüsumlarını 90 gün müddətinə dayandırdığını bildirib.
“Qafqazinfo” xəbər verir ki, Amerika lideri bu haqda “Truth Social”da yazıb.
O qeyd edib ki, 75-dən çox ölkə ABŞ nümayəndələrinə ticarət, ticarət maneələri, tariflər, valyuta manipulyasiyası və qeyri-monetar tariflərlə bağlı məsələləri müzakirə etmək üçün müraciət edib. Trampın sözlərinə görə, həmin dövlətlər ABŞ-yə qarşı heç bir cavab tədbiri görməyib.
