ABŞ, Çin xaric bir çox ölkə üçün tarifləri 90 gün müddətinə dayandırıb.
ABŞ prezidenti Donald Tramp onunla əlaqə saxlayan və cavab tədbirləri görməyən 75-dən çox ölkə üçün əlavə rüsumların tətbiqini 90 günlük dayandırdığını elan edib.
“Bu ölkələr Birləşmiş Ştatlara qarşı heç bir şəkildə qisas almadığına görə, mənim təklifimlə, mən tariflərə 90 günlük "pauza" verdim”, - deyə Tramp bildirib.
Tramp Truth Social hesabındakı paylaşımında bu ölkələrin yalnız 10 faiz vergi ödəyəcəyini bildirib.
Tramp Çinə tətbiq edilən tarifləri 125 faizə qaldırdıqlarını açıqlayıb. “Hansısa məqamda, ümid edirəm ki, yaxın gələcəkdə Çin başa düşəcək ki, ABŞ və digər ölkələri aldatmaq artıq davamlı və məqbul deyil”, - Tramp bildirib.
ABŞ prezidenti Donald Tramp Çin mallarına rüsumları hörmətsizlik səbəbilə 125%-ə qaldırıb.
XXX
ABŞ prezidenti Donald Tramp cavab tədbirləri görməyən ölkələr üçün tarifləri (gömrük rüsumlarını) 90 gün təxirə saldığını elan edib. Bu müddət ərzində 10% səviyyəsi bütün ölkələrə şamil olunacaq. Lakin ABŞ Çin üçün tarifləri 125%-ə qaldırıb.
Dünya iqtisadiyyatının 2 bloka bölünməsi uzunmüddətli qlobal ÜDM-in təxminən 7% azalmasına səbəb ola bilər.
Ümumdünya Ticarət Təşkilatının (ÜTT) rəhbəri bu barədə Trampın Çindən idxal edilən mallara 125% rüsum tətbiq etməsini açıqlaması fonunda xəbərdarlıq edib.
