Şanlı Aprel döyüşləri zamanı torpaqlarımızın azadlığı uğrunda gedən döyüşlərdə şəhidlik zirvəsinə yüksəlmiş igidlərdən olan mayor Vaqif Bayramovun doğum günü qeyd edilib.
Naftalan Şəhər İcra Hakimiyyətinin məsul əməkdaşları, şəhidimizin ailə üzvləri, yaxınları şəhidin doğum günündə məzarını ziyarət etmiş, məzarı üzərinə gül dəstləri qoymuşdur.
Şəhidin ailəsi dövlətimiz tərəfindən şəhid ailələrinə göstərilən yüksək diqqət və qayğıya görə Müzəffər Ali Baş Komandan cənab İlham Əliyevə minnətdarlıqlarını ifadə ediblər.
Vaqif Dilqəm oğlu Bayramov ölümündən sonra Azərbaycan Respublikası Prezidentinin sərəncamı ilə 3-cü dərəcəli “Vətənə xidmətə görə” ordeni ilə təltif olunub.
Vaqifin qardaşı Mehman Bayramov isə I Qarabağ müharibəsində şəhidlik zirvəsinə ucalmışdır.
