Dünya Azərbaycanlılarının həmrəyliyi günü ilə əlaqədar Naftalanda “Yaşıl Dünya naminə Həmrəylik İli” çərçivəsində keçirilən silsilə tədbirlərin davamı olaraq növbəti ağacəkmə aksiyası keçirilib. Aksiyada ŞİH-nin başçısı Vüqar Novruzov, şəhər polis şöbəsinin rəisi Zaur Bədəlov, YAP Naftalan şəhər təşkilatının sədri Rövlan Heydərov, ictimaiyyət nümayəndələri iştirak edib.
Aksiya zamanı şəhərin Heydər Əliyev prospektində həmişəyaşıl eldar şamı, kiparis və oleandr ağacları əkilib.
“Yaşıl Dünya naminə Həmrəylik İli” çərçivəsində il ərzində şəhər ərazisində yaşıllıqların artırılması məqsədilə səkkiz mindən artıq həmişəyaşıl şam ağacı, zeytun, kiparis, eldar şamı və digər dekorativ gül kolları əkilib. Eyni zamanda, yaşıllıqlara qulluq və abadlıqla bağlı tədbirlər həyata keçirilib.
