Prezident İlham Əliyev dekabrın 31-də Dünya Azərbaycanlılarının Həmrəylik Günü və Yeni İl münasibəti ilə bağlı təbrik mesajında deyib ki, Ermənistanın silahlanması Azərbaycan üçün "ən narahatedici məqamdır".
O bildirib ki, Ermənistanın silahlanması sülhü poza bilər.
İlham Əliyev Azərbaycanın builki hərbi büdcəsində edilən rekord artımı da, Ermənistanın silahlanması ilə əlaqələndirib.
Rəsmi Bakı 2025-ci ildə hərbi xərclər üçün 8,4 milyard manat ayırıb.
"Biz məcbur qalıb bunu bu səviyyəyə qaldırmışıq. Çünki Cənubi Qafqazda Ermənistanın başlatdığı silahlanma yarışında biz geridə qala bilmərik", - Əliyev çıxışında deyib.
Ermənistan Baş naziri Nikol Paşinyan dəfələrlə bildirib ki, ölkəsinin silah alması Ermənistanın suveren hüququdur və bu addım bölgədə hər hansı dövlətə qarşı yönəlməyib.
Videonu YouTube kanalımızda izləyin.
