Almaniyanın xarici işlər naziri Annalena Berbok fransalı həmkarı Jan-Noel Barro ilə birgə Suriyaya səfər ediblər. Bu barədə Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallas məlumat verib.
Tərəflər Suriyanın yeni administrasiyasının lideri Əhməd Şara ilə görüşüblər. Fransanın xarici işlər naziri Jan-Noel Barro Əhməd Şara ilə görüşündən əvvəl Fransanın Dəməşqdəki səfirliyinə baş çəkib, daha sonra isə Baas rejiminin işgəncə bazası kimi bilinən Sednaya həbsxanasını ziyarət edib. Barro Dəməşqdə vətəndaş cəmiyyəti nümayəndələri ilə də görüşüb.
