“Çelsi”nin baş məşqçisi Entso Mareska İngiltərə Premyer Liqasının 20-ci turunda “Kristal Pelas”a qarşı keçirdikləri səfər oyununu şərh edib.
Arena.az “Çelsi”nin rəsmi saytına istinadən, italyan mütəxəssisin bu barədə fikrini təqdim edir:
“Yəqin ki, biz bu oyunda qalib gəlmək üçün kifayət qədər çalışdıq. Düşünürəm ki, qalib gəlmək üçün birinci və ikinci hissələr arasında kifayət qədər fürsətlər yaratdıq, amma sonralar diqqətimizi cəmləməliyik, əks halda oyun həmişə açıq olacaq, xüsusən də bu stadionda.
İxtiyari ötürmə, istənilən dönüş onlara güc-qüvvə verirdi. Təəssüf ki, oyunun sonlarında qol buraxdıq, amma ümumilikdə hesab edirəm ki, bu gün qalib gəlmək üçün biz kifayət qədər iş gördük”, deyə Entso Mareska vurğulayıb.
Xatırladaq ki, qarşılaşma 1:1 hesabıyla başa çatıb. Hazırda 20 oyundan 36 xal toplamış “Çelsi” İngiltərə Premyer Liqasının yarış cədvəlinin 4-cü pilləsində qərarlaşıb. “Kristal Pelas” isə 21 xalla 15-ci pillədədir.
İngiltərə Premyer Liqasına 18 oyundan 45 xalla “Liverpul” başçılıq edir.
