İtaliyanın "Montsa" klubu Salvatore Bokkettinin rəhbərliyi altında ardıcıl ikinci görüşdə məğlub olub.
İdman.biz xəbər verir ki, A Seriyasının 19-cu turunda “ağ-qırmızılılar” “Kalyari”yə uduzublar (1:2). Bundan əvvəl isə Bokçettinin komandası “Parma”ya (1:2) məğlub olub.
38 yaşlı italiyalı mütəxəssis 2024-cü il dekabrın 23-dən "Montsa"ya rəhbərlik etməyə başlayıb. "Opta Sports"un məlumatına görə, o, A Seriyası tarixində ilk səkkiz matçının hamısında məğlub olan üçüncü məşqçidir. Ondan əvvəl yalnız 1949-cu ildə Astro Galli və 1995-ci ildə Adelio Moro karyeralarına eyni göstərici ilə başlayıblar.
Qeyd edək ki, Bokketti 2022-ci ildə “Verona”nın baş məşqçisi kimi altı oyunda məğlubiyyət acısı yaşayıb.
İdman.biz
