Tbilisi, 6 yanvar, AZƏRTAC
Gürcüstanın beynəlxalq əhəmiyyətli Kobuleti-Batumi dolama yolunda yol-nəqliyyat hadisəsi baş verib.
AZƏRTAC xəbər verir ki, bir neçə avtomobil toqquşub, nəticədə azyaşlılar da daxil olmaqla 8 nəfər xəsarət alıb.
Zəncirvari qəzanın baş verdiyi yerə polis və təcili tibbi yardım xidməti cəlb olunub.
Faktla bağlı araşdırma başlayıb.
Xətayi Əzizov
AZƏRTAC-ın xüsusi müxbiri
Tbilisi
