Olaylar.az Lenta.ru-ya istinadən xəbər verir ki, bu barədə Cənub-Şərqi Norveç Universitetinin professoru Qlenn Dizen xəbərdarlıq edib.
O qeyd edib ki, Kiyev hərbi əməliyyatları davam etdirməyə yönəlib, bunu onun Rusiyaya ATACMS raketləri ilə hücum etmək qərarı, həmçinin Kursk vilayətində əks-hücum cəhdi təsdiqləyir.
Ekspertin fikrincə, bu yolla Ukrayna hakimiyyəti ABŞ-ın seçilmiş prezidenti Donald Trampın sülh səylərini çətinləşdirmək istəyir.
"Ukrayna rəhbəri Vladimir Zelenski hələ də müharibəni davam etdirmək istəyir, çünki sülhə pessimist qalır. Bu, çox təhlükəli vaxtdır" - deyə Dizen yekunlaşdırıb.
Bazar günü, yanvarın 5-də Ukrayna Silahlı Qüvvələri (AFU) Kursk vilayətində genişmiqyaslı əks-hücum keçirməyə cəhd göstərib. Ukraynanın hücum qrupu Berdin kəndinə doğru irəliləyib.
