Bakı-Sumqayıt yolunda qayda pozan sürücü qəza təhlükəsi yaradıb.
Avtosfer.az-ın məlumatına görə, hadisə yanvarın 3-də saat 14:14 radələrində qeydə alınıb. Hərəkətdə olan 77-PJ-498 dövlət nömrə nişanlı “Khazar” markalı avtomobilin sürücüsü manevr qaydasını pozub. Belə ki, sürücü sağ zolağa keçid edib və ardınca təhlükəsizlik adacığının üzərinə çıxıb. Lakin o, maneəni görərək sola manevr edərək baş verəcək ağır qəzadan son anda xilas olub.
Qeyd edək ki, bu qayda pozuntusuna görə, İnzibati Xətalar Məcəlləsinin 327.1-ci maddəsində 40 manat məbləğində cərimə nəzərdə tutulub.
Nərmin
