Hər birimizin həyatı tez keçir. Bir gün qəlbimizə əbədi həkk olunmuş, dünyagörüşümüzü dəyişdirən, bizə unudulmaz xatirələr bəxş edən insanlarla vidalaşmalı oluruq.
Hafta.az kino, musiqi və idman sahəsinə böyük töhfələr vermiş, lakin 2024-cü ildə dünyasını dəyişən məşhur insanların bir çoxunu oxucularına xatırladır:
Liam Payne
Britaniyalı müğənni, məşhur "One Direction" pop qrupunun keçmiş üzvü, bəstəkar və gitara ifaçısı Liam Payne oktyabrın 17-də vəfat edib. Argentinanın paytaxtında otelin 3-cü mərtəbəsindən yıxılan müğənni aldığı ağır xəsarətlər nəticəsində yerindəcə dünyasını dəyişib.
Meqqi Smit
Harri Potter filmlərində professor Minerva Makqonaqal obrazı ilə tanınan britaniyalı aktrisa Meqqi Smit sentyabrın 27-də 89 yaşında vəfat edib. Məşhur aktrisanın 90 illik yubileyinə cəmi üç ay qalmışdı.
Şannen Duerti
15 iyul 2024-cü ildə "Sehrli" filminin ulduzu Şannen Duerti 53 yaşında vəfat etdi. 2015-ci ildən aktrisa süd vəzi xərçənginin 4-cü mərhələsi ilə mübarizə aparır. Nəhayət, xərçəng aktrisanın sümüklərinə və beyninə yayıldı və xəstəlik Duertiyə qalib gəldi.
Şelli Duval
"The Shining" qorxu filminin əfsanəvi ulduzu Şelli Duval iyulun 12-də dünyasını dəyişib. Onun ölümünə şəkərli diabetin ağır fəsadları səbəb olub.
Roberto Kavalli
Məşhur italyan modelyer Roberto Kavalli aprelin 12-də 84 yaşında vəfat edib. O, uzun sürən xəstəlikdən sonra Florensiyadakı evində dünyasını dəyişib.
Kavalli dəri istehsalı sənayesi ilə məşhur idi. Roberto 1970-ci illərdə Bricit Bardot, Sofi Loren və Cennifer Lopez kimi ulduzlar üçün görünüşlər yaradaraq şirkətini qurdu.
O. Cey Simpson
Keçmiş amerikalı futbolçu, aktyor və teleaparıcı O.Cey Simpson Kavalli ilə eyni gündə vəfat edib. O, Amerika futbolunun ulduzu idi. 1994-cü ildə o, həyat yoldaşı Nikol Braun Simpson və onun dostu Ron Qoldmanın qətlində ittiham olunurdu.
Jena Roulens
“Yaddaş gündəliyi” filmində Elli obrazını canlandıran aktrisa Jena Roulens avqustun 15-də Kaliforniyadakı evində dünyasını dəyişib. O, həyatının son illərində Alzheimer xəstəliyindən əziyyət çəkirdi.
İris Apfel
Özünəməxsus və qeyri-ənənəvi üsluba malik influencer və moda ikonu İris Apfel martın 2-də 103 yaşında vəfat edib. O, daxili dizayner və kolleksiyaçı idi və Trumandan Klintona qədər prezidentlərin evlərini və ofislərini dizayn etdi.
