"Arsenal"ın gənc futbolçusu İtan Nvaneri klubunun və İngiltərə Premyer Liqasının (İPL) tarixinə düşüb.
Fanat.Az sözügedən çempionatın mətbuat xidmətinə istinadən xəbər verir ki, XX turda "Brayton"la matçda (1:1) qol vuran Nvaneri "Arsenal" forması ilə İPL-də 18 yaşına çatmamış birdən çox qol vuran ilk oyunçu olub.
O, 17 yaş 290 günlüyündə fərqlənib. Noyabrda "Nottingem Forest"lə oyunda (3:0) adını tabloya yazdıran yarımmüdafiəçi həmçinin İPL-də bu göstəriciyə çatan 6-cı futbolçudur.
Qeyd edək ki, "Arsenal"ın yetirməsi olan İtan əsas komandada bu mövsüm iki dəfə start "11-lik"də yer alıb.
