Şənbə günü gecə yağan güclü yağış və qar səbəbindən İngiltərənin bir çox bölgəsində qar və buz xəbərdarlığı edilib.
AZXEBER.COM xarici mətbuata istinadən xəbər verir ki, Böyük Britaniya Meteorologiya İdarəsi İngiltərə, Şotlandiya və Uelsin əksər hissələrinə qar yağacağına görə narıncı, qar və buz üçün bəzi sarı xəbərdarlıqlar edib.
Ölkədə dəmir yolu xətlərində çoxlu ciddi fasilələr yaranıb, əlverişsiz hava şəraiti səbəbindən gecikmələr və ləğvlər olub.
Lids Bradford hava limanının uçuş-enmə zolağı \"davam edən güclü qar yağışı\" səbəbindən bağlanıb.
Mançester Hava Limanı və Liverpul Con Lennon Hava Limanı bazar günü səhər bağlanan uçuş-enmə zolaqlarını yenidən açarkən gecikmələr və ləğvlər ola biləcəyi barədə xəbərdarlıq etdi.
Sərnişinlərə səyahətə çıxmazdan əvvəl şirkətlərlə son vəziyyəti müzakirə etmələri, səfər üçün əlavə vaxt ayırmaları və səfər zamanı əlavə zəruri əşyalar daşımaları tövsiyə olunub.
Minlərlə evin işıqsız qaldığı Böyük Britaniya və İrlandiya Respublikasında elektrik şirkətlərinin qrupları fasilələri aradan qaldırmaq üçün çalışıb.
Gülay
