İtaliya A Seriyasının “Latsio” ilə 19-cu tur ev oyununda qazanılmış 2:0 hesablı qələbə “Roma” üçün statistik rekordla əlamətdar olub.
Arena.az məlumat verir ki, “canavarlar”la “Olimpiko”dakı paytaxt derbisində “qartallar”ın “tüklərini yolmaq” üçün cəmi ilk 18 dəqiqə kifayət edib.
“Opta Sports” statistik internet-portalının təqdim etdiyi məlumata görə, 1999-cu ilin noyabr ayından bəri ilk dəfədir ki, “Roma” İtaliya A Seriyası çərçivəsinədə “Latsio”ya ilk 20 dəqiqə ərzində 2 və daha artıq qol vurub.
19 oyundan 23 xalla “Roma” İtaliya A Seriyasının yarış cədvəlinin 10-cu pilləsində qərarlaşıb. “Latiso” isə 35 xalla 4-cü pillədədir.
İtaliya A Seriyasına 44 xalla “Napoli” başçılıq edir. 17 oyundan 40 xalla 3-cü pillədə qərarlaşmış “İnter” isə mümkün lider qismindədir.
