“Liverpul”un baş məşqçisi Arne Slot İngiltərə Premyer Liqasının “Mançester Yunayted”lə 20-ci tur ev oyununu (2:2) şərh edib.
Arena.az BBC-yə istinadən, niderlandlı mütəxəssisin bu barədə fikrini təqdim edir:
“Biz oyuna çox yaxşı başladıq, üç qol fürsətimiz oldu, sonra bizim üçün daha çətin olan dövrə gəldi. Keyfiyyətli oyunçulara qarşı aşağı bölgədə oynamaq çətindir, onların heyətində hücumçu qismində yalnız Höylund və Diallo vardı.
Boşluqları tapmaq heç də həmişə asan olmur və məhz belə də oldu. Biz 0:1 hesabı ilə geridə ikən bu, bizim üçün daha da çətinləşdi, amma üstünlüyü ələ keçirə bildiyimiz zaman göstərdiyimiz münasibət məni çox sevindirdi”, deyə Arne Slot vurğulayıb.
Xal itkisinə rəğmən, 19 oyundan 46 xalla “Liverpul” İngiltərə Premyer Liqasının yarış cədvəlinin zirvəsindəki mövqeyini qoruyur. “Mançester Yunayted” isə 20 oyundan 23 xalla yarış cədvəlinin 13-cü pilləsində qərarlaşıb.
