Fransız fermerləri Paris yaxınlığında İspaniya sərhədinə aparan magistral yolu bağlayıblar. Bu barədə BFMTV telekanalı məlumat yayıb.Etiraz aksiyasının səbəbi olaraq fermerlərin kənd təsərrüfatı sahəsindəki problemlərdən narazılığı göstərilir. Onlar xüsusilə idxal məhsullarının yerli bazara təsiri, subsidiyaların azalması və kənd təsərrüfatı məhsullarının qiymətlərindəki sabitsizlikdən narazıdırlar.Magistral yolun bağlanması nəticəsində bölgədə nəqliyyat axını ciddi şəkildə pozulub. Fermerlər traktorlarla və digər avadanlıqlarla yolu bağlayaraq hökumətə tələblərini çatdırmağa çalışıblar. Aksiya, həmçinin, sərhəd ticarəti və logistika sahəsinə mənfi təsir göstərib.Fermerlər hökuməti yerli kənd təsərrüfatı istehsalını dəstəkləməyə və xarici məhsulların idxalını məhdudlaşdırmağa çağırırlar. Aksiya iştirakçıları problemləri həll etmək üçün təcili tədbirlər görülməyəcəyi təqdirdə, etirazlarını davam etdirəcəklərini bəyan ediblər.Səidə Mustafa
Diqqət Çəkənlər
Ukraynanın sabiq baş naziri: Zelenskinin ofisi, sülh danışıqlarının baş tutmaması üçün əlindən gələni edir
Aleksandr Vuçiç: Serbiya, Rusiyadan NIS-dəki payını 700 milyon avroya almağa hazırdır
Reuters: ABŞ-ın Rusiyaya qarşı yeni sanksiyaları neft tankerlərini əhatə edəcək
