Portuqaliyanın 2-ci liqasında keçirilən “Oliveyrenşe” - “Felgeyraş” oyununda qeyri-adi hadisə yaşanıb.
QOL.az xəbər verir ki, görüş zamanı güclü yağış yağıb və nəticədə stadionun xətləri görünməz hala düşüb.
Həmin vaxt arenada yeni xətlər çəkmək üçün boya olmayıb. “Oliveyrenşe” klubunun rəsmiləri isə vəziyyətdən çıxış yolu tapmaq üçün maraqlı yola əl atıblar. Onlar boya maşınına süd töküblər və meydana xətləri südlə çəkiblər.
Qeyd edək ki, bu matçda qonaqlar 3:0 hesablı qələbə qazanıblar.
