6 yanvar 2025-ci il tarixdə Samux rayonunda 25 yanvar 2025-ci il tarixdə Azərbyacan Respublikasında keçiriləcək bələdiyyə seçkiləri ilə əlaqədar təbliğat-təşviqat kampaniyasına start verilib. Yeni Azərbaycan Partiyası (YAP) digər seçkilərdə olduğu kimi, bu seçkilərdə də yüksək fəallıq nümayiş etdirir.
Bu fəallıq Samuxda da xüsusi olaraq seçilir. Belə ki, bələdiyyə seçkilərində iştirak üçün YAP Samux rayon təşkilatı Samux ərazisi üzrə bələdiyyələrin tərkibində mövcud olan ümumilikdə 88 yerə 88 nəfər partiya fəalının namizədliyini irəli sürüb və onların hər birinin namizədliyi qeydə alınıb.
Eyni zamanda, Seçki Qərargahının üzvləri, həmçinin partiyanın rayon təşkilatının fəalları rayonun seçki məntəqələrinin ərazisində qurulmuş təşviqat lövhələrinə YAP tərəfindən namizədlikləri irəli sürülmüş şəxslərin vahid formada hazırlanmış plakatlarını vurublar.
