Almaniyanın “Reutlinqen” klubunun yarımmüdafiəçisi Luka Meyxner 22 yaşında ölüb.
Publika.az “The Sun”a istinadən bildirir ki, futbolçu Yeni il bayramı ərəfəsində öz yatağında ölü tapılıb.
“Həftə sonu biz futbolçumuzun dekabrın 27-də gözlənilmədən vəfat etməsi ilə bağlı dəhşətli xəbər aldıq. Bütün “Reutlinqen” ailəsi dərin kədər və sarsıntı keçirir.
Onun komanda yoldaşları və bütün klub işçiləri Lukanın yaxınlarını itirmiş qohumları ilə birlikdə yas saxlayırlar. Fikirlərimiz onun ailəsi, dostları və yoldaşları ilədir. Sizdən xahiş edirik ki, bu çətin dövrdə Lukanın ailəsinin şəxsi həyatına hörmət edəsiniz”, – deyə klubun bəyanatında bildirilir.
