“Liverpul”un misirli ulduz hücumçusu Məhəmməd Salah “Mançester Siti”nin cari mövsümdəki tənəzzülünə təəccübünü ifadə edib.
Arena.az “Canal+” televiziyasına istinadən, misirli ulduz futbolçunun bu barədə fikrini təqdim edir:
“Mən “Mançester Siti”nin çıxışından çox təəccüblənirəm, amma eyni zamanda onların vəziyyətini də anlayıram. Onlar həmişə eyni heyətə malikdirlər. Amma əminəm ki, onlar öz səviyyələrinə qayıtmaq üçün həll yolu arayıb-tapacaqlar. Buna görə də biz eyni nəzi saxlamalıyıq, çünki “Mançester Siti” düzgün açarı əldə edərsə, bir daha xal itirməyəcək”, deyə Salah qətiyyətlə vurğulayıb.
20 oyundan 34 xalla “Mançester Siti” İngiltərə Premyer Liqasının yarış cədvəlinin 6-cı pilləsində qərarlaşıb.
İngiltərə Premyer Liqasına 19 oyundan 46 xalla “Liverpul” başçılıq edir.
