FIDE yeniyetmələr arasında sayca ikinci Dünya kubokunun keçiriləcəyini açıqlayıb.
İdman.biz xəbər verir ki, yarış iyunun 22-dən iyulun 3-dək Batumidə (Gürcüstan) olacaq və üç yaş qrupu üzrə - 8, 10 və 12 yaşadək yeniyetmə şahmatçılar arasında keçiriləcək. Oğlanlar və qızlar arasında hər yaş qrupunda 48 iştirakçı mübarizə aparacaq.
Yarış iki mərhələdən ibarət olacaq. Birinci mərhələdə şahmatçılar İsveçrə sistemi üzrə çıxış edib, daha sonra mübarizəni pley-off mərhələsində davam etdirəcəklər.
Milli federasiyalar fevralın 1-dək Dünya kubokunda iştiraklarını təsdiqləməlidirlər, şahmatçıların qeydiyyatı isə aprelin 22-dək olacaq.
Dünya kubokunda Azərbaycan şahmatçılarının da çıxış edəcəyi gözlənilir.
İdman.biz
