"Quançjou" (Çin) peşəkar klub statusunu itirib.
QOL.az xəbər verir ki, Çin Futbol Assosiasiyası (CFA) kluba 2025-ci ildə ikinci divizionda mübarizə aparmaq üçün lisenziya verməyib.
Qərara səbəb kimi ödənilməmiş borcların olduğu qeyd edilib. CFA klubdakı vəziyyəti izləməyə davam edəcək.
"Quançjou" 1954-cü ildə yaradılıb. Klub 8 dəfə - 2011, 2012, 2013, 2014, 2015, 2016, 2017 və 2019-cu illərdə Çin çempionu olub. "Quançjou" 2 dəfə Çin Kubokunun və Asiya Çempionlar Liqasının qalibi adını qazanıb. Həmçinin komanda 2 dəfə klublararası dünya çempionatında 4-cü yeri tutub.
