"Belarusdakı diktatura Kiyevdəki demokratiyadan yaxşıdır" - Lukaşenko

BelTA-nın yaydığıməlumata görə,bunu Belarus prezidenti Aleksandr Lukaşenko Loqoyskdəki Müqəddəs Nikolay Möcüzəçi kilsəsində Milad mərasimində çıxışı zamanı deyib.

Zelenski: "Lukaşenko məndən üzr istədi"

Qeyd edək ki, son günlər Ukrayna ilə Belarus arasında yenidən gərginlik yaranıb. Ukrayna rəhbəri Vladimir Zelenski məşhur amerikalı jurnalist Leks Fridmana müsahibəsində iddia edib ki, müharibənin ilk günlərində Lukaşenko ona zəng edərək üzr istəyib.

Yanvarın 6-da Belarus prezidentinin mətbuat katibi Natalya Eysmont Ukrayna lideri Vladimir Zelenskinin son qalmaqallı açıqlamasını şərh etmişdi. O, Lukaşenkonun 2022-ci ildə Ukrayna müharibəsinin ilk günlərində Zelenskidən üzr istəmədiyini bildirib. Eysmontun sözlərinə görə, Minskin üzr istəməsi üçün heç bir səbəb olmayıb.
Bununla belə, Belarus rəsmisi etiraf edib ki, münaqişənin ilk günlərində Minsk və Kiyev liderləri arasında danışıqlar olub.
Tural Tağıyev
AzVision.az