Ermənilərin Qarabağdan Ermənistana köç etməsindən sonra nə qədər insanın köç etdiyi ilə bağlı rəqəmlər hələ də dəyişir və aydın deyil.
Bu barədə Ermənistanın “ArmLur.am” nəşri yazıb.
“Yerli əhalinin dediyinə görə, Qarabağdan Ermənistana köç edənlərin bəziləri hətta qeydiyyatda olmayıb və elə ilk gün Ermənistanı tərk ediblər”, - deyə nəşr bildirib.
Nəşr Ermənistan Milli Təhlükəsizlik Xidmətinin rəhbəri Armen Abazyana suallarla müraciət edib.
Verilən cavabda qeyd olunub: “Ermənistan Miqrasiya və Dövlət Xidmətinin verdiyi məlumata görə, 2023-cü ilin sentyabr ayında 115 min 86 nəfər Qarabağdan köç edib, onlardan 11 min 412 nəfəri 2024-cü il dekabrın 18-dək Ermənistanı tərk edib və Ermənistana qayıtmayıb, 103 min 674 nəfəri isə hazırda Ermənistandadır”.
