Görəsən, iclasın vaxtı dəqiqləşdimi? Baş məşqçinin taleyinə nə vaxt aydınlıq gələcək? Komandanı gücləndirmək üçün danışıq aparılırmı? “Football-plus.az”ın bu suallarınıı “İmişli”nin İdarə Heyətinin sədri Aqşin Mürsəlov cavabladı:
“Fərid Namazovla yolumuza davam etmək qərarına gəldik. Biz onun uğur qazanacağına inanırıq. Amma indiyəqədərki nəticə qənaətbəxş deyil. Biz də əlimizdən gələn köməyi edəcəyik ki, komanda layiq olduğu xalları qazansın. 2-ci dövrəyə başqa bir həvəslə başlamaq istəyirik. Bəzi dəyişikliklər də olacaq. Əlavə futbolçular da cəlb etməyi düşünürük. Bəzi futbolçularla yollarımızı ayırdıq. Bu da baş məşqçinin istəyi ilə olub. 2-ci dövrə üçün daha əzmkar klub formalaşdıracağıq. Komandanın oyunundan narazılığımız yox idi. 1-ci liqada normal çıxış edən komandalardanıq. Fərid bəy də qısa zamanda nəsə etməyə çalışırdı. Düşünürəm ki, biz ona bir qədər də vaxt verməliyik ki, tam ideologiyasını komandaya öyrətsin”.
ƏSƏD SEYİDOV
