"Arsenal"ın baş məşqçisi Mikel Arteta "Atletik"in futbolçusu Niko Uilyamsı heyətinə cəlb etmək istəyir.
QOL.az xəbər verir ki, bu barədə "The Athletic" nəşri məlumat yayıb.
Futbolçunun müqaviləsində sərbəst buraxılma bəndi 60 milyon avro məbləğində qeyd olunub. London təmsilçisi 22 yaşlı ispaniyalı vingeri qışda transfer etmək istəyir. Lakin maddi çətinliklərə görə bu, mümkün görünmür.
Qeyd edək ki, Niko Uilyams bu mövsüm "Atletik"in heyətində 24 matça çıxaraq 2 qol vurub və 5 qolun ötürməsini edib.
