ABŞ-da vəzifəsini icra etməyə hazırlaşan yeni prezident Donald Trampdan Suriya və Türkiyə ilə bağlı yeni açıqlamalar gəlib.
News24.az xəbər verir ki, Tramp Floridadakı Mar-a-Laqo şəhərciyində keçirdiyi mətbuat konfransında xarici gündəmi ilə bağlı qiymətləndirmələr edib.
Suriyada t*rror təşkilatı D*EAŞ-ı məğlub etdiyini və əsgərlərinin çoxunu ölkədən çıxardığını bildirən Tramp mövcud vəziyyətlə bağlı suallar qarşısında Ankaranın əhəmiyyətinə diqqət çəkib.
ABŞ-ın seçilmiş prezidenti Tramp jurnalistin ABŞ-ın Suriyadan qoşunlarını çıxarıb-çıxarmayacağı ilə bağlı sualını belə cavablandırıb:
"Ərdoğan mənim dostum və hörmət etdiyim birisidir. Düşünürəm ki, o da mənə hörmət edir. Suriyada qoşunları çıxarıb-çıxarmayacağımı sizə deməyəcəm. Çünki bu, hərbi strategiyanın bir hissəsidir. Ancaq bunun Türkiyə ilə bağlı bir vəziyyət olduğunu deyə bilərəm".
Türkiyənin Suriyada strateji planlar həyata keçirdiyini bildirən Donald Tramp “Türkiyənin strateji addımları sayəsində Suriyada İran və Rusiya zəiflədi” deyib.
Günel Məlikzadə
