Uzun illər sağlamlığı qorumaq üçün həkimlər yaponlardan nümunə götürməyi məsləhət görürlər, onlar müntəzəm olaraq uzunömürlülüyü təşviq edən xüsusi bir içki içirlər.
Medianews.az “ТСН.ua”ya istinadən xəbər verir ki, bu içki yalnız üç inqrediyentdən hazırlanır.
Bununla belə, hazırlanması asan olsa da, çox sağlamdır.
Tərkibi:
1/4 çay qaşığı zərdəçal;
1 xörək qaşığı limon suyu;
bir parça zəncəfil kökü.
Bir stəkan qaynar suya zərdəçal, limon suyu və bir parça zəncəfil əlavə edin, bir neçə dəqiqə dəmləyin və için. İçkinin tərkibində ürəyin işinə müsbət təsir göstərən, immuniteti gücləndirən və bədən hüceyrələrini vaxtından əvvəl qocalmadan qoruyan maddələr var. Həkimlər həftədə ən azı üç dəfə müalicəvi içki içməyi məsləhət görürlər.
Zəncəfil antioksidantlarla zəngindir və bəzi xərçəng növlərinin riskini azaldır. Bu kök min illərdir müxtəlif ağrıları, soyuqdəymələri, ürəkbulanmaları, kolitləri və sinir sistemi xəstəliklərini müalicə etmək üçün istifadə olunur.
Limonun tərkibində çoxlu antioksidant birləşmələr və C vitamini var ki, bu da orqanizmi ürək, qan damarları, sidik və həzm sistemləri, eləcə də onkoloji xəstəliklərdən qoruya bilir.
Zərdəçal bağırsaq funksiyasını yaxşılaşdırır, xroniki ishal, meteorizm, xoralı kolit və mədə-bağırsaq traktının digər xəstəliklərinin öhdəsindən gəlməyə kömək edir. Ədviyyat həm də immunitet sistemini gücləndirir və xərçənglə mübarizə aparır.
