Səudiyyə Ərəbistanının Məkkə şəhərinə güclü yağışdan sonra bir çox əraziləri su basıb.
Reyting.az xəbər verir ki, Səudiyyə Ərəbistanının rəsmi xəbər agentliyi SPA-nın məlumatına görə, Məkkənin bir çox bölgəsində güclü yağış yağıb.
Yerli və sosial media yazır ki, şiddətli yağış Məkkənin bəzi bölgələrini sel sularına qərq edib.
Şəhərin bəzi küçə və prospektləri güclü sel sularından gələn axınlarla dolarkən, motosiklet və avtomobillərin sel suları tərəfindən sürükləndiyi görülüb.
Məkkədə bir çox mağaza və iş yeri su altında qalsa da, can itkisi ilə bağlı açıqlama verilməyib.
Qeyd edək ki, Səudiyyə Ərəbistanının Milli Meteorologiya Mərkəzi Məkkədə güclü yağış və külək, həmçinin dolu ilə bağlı xəbərdarlıq etmişdi.
V. QULİYEV
