Taylandın hüquq-mühafizə orqanları çinli aktyor Vanq Xinqin insan alverçilərinin qurbanı olduqdan sonra Myanmada tapıldığını bildirib. Bu barədə “Bangkok Post” nəşri məlumat yayıb.Nəşrin məlumatına görə, dram filmlərində oynadığı rollarla tanınan 31 yaşlı aktyor dinləmələrə dəvət olunub və yanvarın 3-də Şanxaydan uçan təyyarə ilə Banqkok Suvannaphum hava limanına gəlib. Hava limanından o, Tak əyalətinə gedib və orada sonuncu dəfə elə həmin gün Myanma ilə sərhədə yaxın Mae Sot şəhəri yaxınlığında görülüb. Onun immiqrasiya keçid məntəqələrindən yan keçərək Mei çayı üzərindən qayıqla Tailand-Myanma sərhədini qanunsuz keçdiyi öyrənilib."İlkin istintaqa əsasən, onun insan alverçilərinin qurbanı olduğuna inanırıq" - deyən polis, aktyoru Myanmaya səfəri və onu ora gətirən işdə iştirak edən şəxsləri öyrənmək üçün daha ətraflı sorğu-sual etmək niyyətində olduğunu bildirib. Hüquq-mühafizə orqanları aktyorun Taylanda necə qayıtmağı bacardığı barədə məlumat vermir.
