Dünya futbolunun braziliyalı ulduzu Roberto Karlos keçmiş klubu “Real”ın düşərgəsində məskublaşmağa məcbur olub.
Arena.az bu barədə “Estadio Deportivo” dərgisinə istinadən məlumat verir.
Mənbənin məlumatına görə, Karlos 15 il müddətində nikahda olduğu arvadından boşanıb. Boşanma mərhələsinin, keçmiş futbolçunun təxminən 160 milyon avro dəyərində sərvətinə görə çətin keçəcəyi bildirilir.
Vurğulanır ki, Karlosun İspaniyadakı iki evindən birində həyat yoldaşı və iki ümumi qızı, digərində isə qohumları yaşadığı üçün braziliyalı ulduz “Real”ın klub bazasında məskunlaşmağa məcbur olub.
Ümumilikdə Roberto Karlosun 7 qadından 11 uşağı var.
Xatırladaq ki, Roberto Karlos 1997-2007-ci illərdə “Real”da çıxış edib. Hazırda Karlos “Real”ın klub strukturunda çalışır.
