Almaniyada iflas günü-gündən artır.
2024-cü ildə iflas elan edən şirkətlərin sayı 22 min 400 olaraq açıqlanıb.
“Cebheinfo.az” xəbər verir ki, ötən il Almaniyada 22 400 iflas hadisəsi baş verib. Bu rəqəm 2015-ci ildən bəri ən yüksək göstərici olub. Bundan əlavə, ötən il dövriyyəsi 10 milyon avrodan çox olan 364 şirkət müflis olmaq üçün müraciət edib.
Hesabata görə, Almaniyada getdikcə daha çox böyük şirkət iflasdan təsirlənir. Düsseldorfda nəşr olunan “Handelsblatt” qəzetinin xəbərinə görə, “Falkensteg” şirkəti tərəfindən aparılan təhlildə keçən il dövriyyəsi 10 milyon avrodan çox olan 364 şirkət müflis olmaq üçün müraciət edib. Bu rəqəm əvvəlki illə müqayisədə 30 faiz artım deməkdir.
Hesabata görə, iflaslardan xüsusilə avtomobil sənayesi təsirlənib.
Hər 6 əsas iflasdan 1-i bu sektordan olub. “Falkensteg”-in 40 əsas iflasını saydığı tikinti sektorunda da 186 faiz əhəmiyyətli artım olub. Kredit agentliyi “Creditreform” dekabrda bildirib ki, ölçüsündən asılı olmayaraq, Almaniyada keçən il 22,400 iflas baş verib. Bu rəqəm 2015-ci ildən bəri ən yüksək göstərici olub.
“Handelsblatt”-ın hesabatına görə, müflis olan şirkətlərin yenidən təşkili getdikcə çətinləşir. Hesabata görə, 2023-cü ildə iflasa uğrayan böyük şirkətlərin yalnız 46 faizi 2024-cü ilin sonuna qədər xilas ola bilib. Məsələn, üç il əvvəl bir investor işə girdikdə və ya kreditorlar iflas planını qəbul etdikdə, bu, 62 faiz hallarda uğurlu olub. Yəni “xilas edən” şirkətlərdə ciddi geriləmə var.
