"Yuventus"un və Çexiya milli komandasının sabiq ulduz futbolçusu Pavel Nedved Səudiyyə Ərəbistanının “Əl-Şəbab” klubunun idman direktoru vəzifəsinə təyin edilib. Manset.az xəbər verir ki, bu barədə klubun mətbuat xidməti X sosial şəbəkəsində məlumat yayıb. "Çexiya futbolunun əfsanəsi Pavel Nedved idman direktoru təyin edilib", - “Əl-Şəbab” qeyd edib. Karyerasını başa vurduqdan sonra 52 yaşlı Pavel Nedved “Yuventus”da çalışıb. Klub rəhbərliyinin maxinasiyaları ilə bağlı araşdırmalara görə 8 ay futbol fəaliyyətindən uzaqlaşdırılıb. “Əl-Şəbab” klubu Səudiyyə Ərəbistanı çempionatının turnir cədvəlində altıncıdır.
