"Qədim Qəbələ" restoranın sahibi Nəbiyev Malik Bəkir oğlu menyunun qanunvericiliyin tələblərinə uyğun tərtib olunmadığı üçün cərimələnib.
Marja.az İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti İstehlakçı hüquqlarının müdafiəsi və İstehlak bazarına nəzarət şöbələri tərəfindən 2024-cü ilin yanvar - dekabr ayları ərzində tərtib olunmuş inzibati xəta haqqında protokollara dair məlumata istinadən xəbər verir ki, iş adamı barəsində protokol 18.12.2024-cü il tarixində tərtib edilib.
Qeyd edilib ki, “İstehlakçıların hüquqlarının müdafiəsi haqqında” Azərbaycan Respublikası Qanununun 13-cü maddəsinin 1-ci bəndi, Azərbaycan Respublikası Nazirlər Kabinetinin 03.04.2014- cü il tarixli 94 nömrəli Qərarı ilə təsdiq edilmiş “Azərbaycan Respublikasında ticarət, ictimai iaşə, məişət və digər növ xidmət Qaydaları”nın 23.6 və 23.7-ci bəndləri, İnzibati Xətalar Məcəlləsinin 445.1-ci maddəsi (Qiymət intizamının pozulması, yəni göstərilən xidmətlər və ya işlər üçün qiymət cədvəllərinin (menyuların) olmaması və ya onların düzgün tərtib edilməməsi) pozulub.
Bakı şəhəri, Xətai rayonu, Afiyəddin Cəlilov 4B ünvanında yerləşən "Qədim Qəbələ" restoranı fiziki şəxs Nəbiyev Malik Bəkir oğluna məxsusdur.
