Rusiya “Azərbaycan Hava Yolları” QSC-nin (AZAL) təyyarəsinin Aktauda qəzaya uğramasının obyektiv və qərəzsiz araşdırılmasında maraqlıdır.
Publika.az xəbər verir ki, bunu Rusiya prezidentinin mətbuat katibi Dmitri Peskov bildirib.
"Biz bu fəlakətin səbəblərini öyrənmək üçün tamamilə obyektiv və qərəzsiz araşdırmada maraqlıyıq", - Peskov jurnalistlərə bildirib.
O, həmçinin Moskvanın “müvafiq komissiyanın işinin nəticələrini” gözlədiyini bildirib və əlavə edib ki, rusiyalı mütəxəssislər “təhqiqatı dəstəkləyir”.
“Prezident Putinlə prezident Əliyev iki dəfə telefonla danışıblar. İstintaq orqanlarına lazımi göstərişlər verilib, qəzanın səbəblərinin müəyyən edilməsi üçün hər cür köməklik və əməkdaşlıq göstərilir. Prezident Putin üzr istədi və təəssüfləndiyini bildirdi”, - Peskov vurğulayıb.
