Azərbaycan Premyer Liqasında çıxış edən “Sumqayıt” və “Araz-Naxçıvan” komandaları bu gün yoxlama oyununda üz-üzə gəliblər.
Arena.az xəbər verir ki, qarşılaşma Mehdi Hüseynzadə adına Sumqayıt şəhər stadionunda təşkil olunub.
Məhsuldar keçən oyunda qalib müəyyənləşməyib – 2:2.
Naxçıvan klubunun heyətində “Benni” ləqəbli Bernardo Oliveyra Dias və Nuno Rodriges fərqləniblər. “Gənclik şəhəri” təmsilçisində isə Georgi Xaraişvili ilə Casurbek Caloliddinov rəqib qapısına yol tapıblar.
Xatırladaq ki, “Araz-Naxçıvan” hazırda Azərbaycan Premyer Liqasının turnir cədvəlində 39 xalla ikinci pillədə qərarlaşıb. Sumqayıtlılar isə 20 xalla 6-cı sırada yer alıblar.
