Portuqaliyalı superulduz Kriştianu Ronaldunun komandası - "Əl-Nəsr" Pro Liqanın 14-cü turu çərçivəsində bu gün "Əl-Ohdud"u qəbul edib.
Fanat.Az xəbər verir ki, oyun meydan sahiblərinin 3:1 hesablı qələbəsi ilə yekunlaşıb.
Hesabı 6-cı dəqiqədə qonaqların hücumçusu Saviur Qodvin açıb. 29-cu dəqiqədə "Əl-Nəsr"in ünlü vingeri Sadio Mane tarazlığı bərpa edib. İlk yarının sonlarına yaxın Ronaldu adını tabloya yazdırıbsa, 88-ci dəqiqədə Mane dublunu rəsmiləşdirib.
Qeyd edək ki, 14 oyuna 28 xal yığan "Əl-Nəsr" çempionatın turnir cədvəlinin 4-cü pilləsindədir. 12 xala malik "Əl-Ohdud" isə 14-cü yerdədir.
Nihat
