“Bakı Gənclər Klubu” ictimai birliyi Azərbaycan Respublikasının Gənclər və İdman nazirliyinin maliyyə dəstəyi ilə 15 sentyabr – 31 dekabr 2024-cü il tarixlərdə gəncləri vətənpərvər ruhda böyüməsi istiqamətində həyata keçirdiyi növbəti “Qələbəni yaşadan qəhrəmanlar” adlı layihənin icrasını yekunlaşdırıb.
Layihənin icrası Bakı şəhəri, Füzuli və Quba rayonlarında həyata keçirilmişdi. Layihənin məqsədi - Azərbaycan dövlətinin müstəqilliyi və ərazi bütövlüyü uğrunda gedən döyüşlərdə qəhrəmancasına vuruşmuş, bu yolda həyatlarını və sağlamlıqlarını itirmiş döyüşçüləmizi qısametrajlı filmlər vasitəsilə cəmiyyətə tanıtmaq və gənclərimizdə muasir qəhrəman obrazları yaratmaqdır.Bu istiqamətdə həyata keçirdiyimiz növbəti layihə çərçivəsində 5 qısametrajlı filmlərin çəkilişi həyata keçirilmişdir. Bu məqsədlə çəkiliş qrupu Füzuli rayonunun Kərimbəyli və Şükürbəyli kəndlərinə və Quba rayonunun Digah, Dağlı və Zərdabi kəndlərinəsəfərlər təşkil etmiş vəVətən müharibəsinin ilk günləri zamanı qızğın döyüşlər getdiyi məkanlarda çəkilişlər həyata keçirmişdir.
Çəkilişlərdə Füzuli rayonunda - Xüsusi Təyinatlı Quvvələri döyüşçülərin – Fərid Aslanov, Babək Namazov və Quba rayonunda – Taleh Şıxverdiyev, Zöhrab Danyalov və Taryel Ağasiyev iştirak etmişdilər. Bu filmlərdə qazilərin döyüş yolları, Vətən torpağının müdafiəsinə qalxması, Vətən müharibəsi zamanı həyata keçirilən əməliyyat və döyüşlər, azad olunmuş ərazilər vəgənc nəslə tövsiyyələr öz əksini tapmışdır. Layihənin yekunu olaraq 6 dekabr tarixində Füzuli rayonu Horadiz şəhərində yerləşən Füzuli Dövlət Dram Teatırnda Füzuli Rayon İcra Hakimiyyətinin başçısının müavini, Sosial - iqtisadi İnkişafın təhlili və proqnozlaşdırılması şöbəsinin müdiri Vüqar Teymurov, Füzuli RİH Vətən müharibəsi iştirakçıları və şəhid ailələri ilə işin təşkili şöbəsinin müdiri Misirli Hafiz, “Bakı Gənclər Klubu” İctimai Birliyin sədri Azər Cavadov, Təhsil işçiləri, Səfərbərlik və Hərbi Xidmətə Çağırış üzrə Dövlət Xidmətinin Füzuli rayon şöbəsinin əməkdaşı, Şəhid ailələri, Vətən müharibəsi qaziləri və gənclərin iştirakı ilə və həmçinin, 21 dekabr tarixindəQuba Rayon İcra Hakimiyyətinin təşkilatçılığı ilə şəhər ” 2 saylı Təbiət fənləri üzrə məktəb-liseydə” Quba Rayon İcra Hakimiyyəti başçısının birinci müavini Tariyel İbrahimov, Rayon İcra Hakimiyyətinin məsul şəxsləri, “Bakı Gənclər Klubu” İctimai Birliyini sədri Azər Cavadov, şəhid ailələri, qazilər, müharibə iştirakçıları, gənclər və məktəblilər, ictimaiyyət nümayəndələri iştirakı ilə layihə çərçivəsində hazırlanmış filmlərin təqdimatı keçirilmişdir.
