ABŞ-nin Los-Anceles bölgəsində meşə yanğınları nəticəsində ölənlərin sayı ən azı 10 nəfərə çatıb.
“Cebheinfo.az” xəbər verir ki, bu barədə yerli tibbi ekspertiza idarəsinə istinadən CNN telekanalı məlumat yayıb.
Daha əvvəl 8 nəfərin öldüyü bildirilirdi.
“Departamentə yanğınlarla bağlı 10 nəfərin ölümü ilə bağlı bildiriş daxil olub”, - deyə məlumatda deyilir.
Los-Anceles dairəsi on minlərlə sakin üçün məcburi təxliyə əmri verib. İlçenin yanğınsöndürmə rəisi etiraf etdi ki, resurslar bir və ya iki böyük yanğınla mübarizə ilə məhdudlaşır. Vəziyyəti çətinləşdirən güclü küləklər olub ki, bu da hava nəqliyyatını müvəqqəti dayandırıb və Palisades bölgəsində yanğın hidrantlarını sıradan çıxarıb.
